....:::Shair O Shaery:::....

[Zizou]

Yeh oonchay oonchay makaano'n ki devriyyo'n k talay
Har aik gham pe bhookay bhikaariyo'n ki sadaa
Har aik ghar main aflaas aur bhook ka shor
Har ik simt yeh insaniyat ki aah-o-bakaa
Yeh kaarkhano'n main lohay ka shor-o-ghul jin main
Hay dafn laakho'n ghareebo'n ki rooh ka naghma
Yeh shaah'raho'n pe rangeen saariyo'n ki jhalak
Yeh jhonpriyo'n main ghareebo'n k baykafan laashay
Yeh maal road pe caaro'n ki rail pail ka shor
Yeh patriyyo'n pe ghareebo'n k zard ru bachay!
Gali gali main yeh biktay huway jawan chehray
Haseen aankho'n main afsurdgi si chhaayi hui!
Yeh jang aur mere watan k shokh jawaa'n
khareedi jaati hain uthti jawaaniya'n jin ki!
Yeh baat baat pe qanoon-o-zaabtay ki girift
Yeh zillatain, Yeh ghulaami, yeh daur-e-majboori!
Yeh gham bohut hain meri zindagi mitaanay ko
Udaas reh kar mere dil ko aur ranj na do..!!

 

[Zizou]

Bikhar rahi hai meri zaat osey keh dena,
Kahein mile woh tu yeh baat us sey kehna..

Osey kehna keh bin os ke din kat taa,
Sisak ke kat ti hai har raat us sey kehna..

Woh saath tha tu zamana tha hamsfar mera,
Magar ab koi nahi saath us sey kehna..

Ganwa ke pyaar mein ham tu khud ko hi betha gaye,
Kare hain ishq ke lamhaat us sey kehna..

Woh jis ko sun ke palat aaye meri duniya mein,
Hawaao aise koi baat us sey kehna..

Agar woh phir bhi naa loute tu mehrbaan kasid,
Hamaari zeest ke halaat us sey kehna..

Har aik jeet os ke naam kar raha hoon main,
Main mantaa hoon apni maat us sey kehna..

Osey pukaaron yaa khud puhanch jaaon os ke paas,
Rahe bas mein kab yeh halaat us sey kehna..

Baras baras ke nigahein bhi ho gayein hain pathar,
Pari hai gham ki ajab raat us sey kehna..

Woh din kaha keh zamaane ki khushbein hoon meri,
Hain ab tu khaali mere haath us sey kehna..

Zarkhaiz zameenain kabhi banjar nahi hotin
Darya he badal lete hain rasta us sey kehna...

Kuch log safar k liye mozoon nahi hoty
Kuch rastay kat'tay nahi tanha us sey kehna...

 

[Zizou]

Kabi tum lot k aao
===================

Kabi tum lot k aao

Mujay Bas Itna Samjhao
Kahan se seekh li tum ne

Ada Muj Ko Bhulane Ke

Tumhen Muj Se Shikwa tha
Ya koi bi shikayat thi

Zehmat to zara si ki hoti
Na Ki Koshish Batany ki

Bala Yun Chor k Apna
Koi Apno ko jata hai

Musalsal Dukh ki barish mai
Jeewan Bhar Rulata ha

Gaey Qadmon Pe lot aao
Mujay bas itna Samjhao

Kahan Se Seekh li tum ne
Ada Muj ko Bhulane ki

 

[Zizou]

vo firaaq aur wo visaal kahaa.N
vo shab-o-roz-o-maah-o-saal kahaa.N

fursat-e-kaarobaar-e-shauq kise
zauq-e-nazzaaraa-e-jamaal kahaa.N

dil to dil vo dimaaG bhii na rahaa
shor-e-saudaa-e-Khat-o-Khaal kahaa.N

thii wo ik shakhs ke tasavvur se
ab vo raa.Nnaaii-e-Khayaal kahaa.N

aisaa aasaa.N nahii.n lahuu ronaa
dil me.n taaqat jigar me.n haal kahaa.N

hamase chuuTaa qimaar_Khaanaa-e-ishq
vaa.N jo jaaye.N girah me.n maal kahaa.N

fikr-e-duniyaa me.n sar khapaataa huu.N
mai.n kahaa.N aur ye vabaal kahaa.N

 

[Zizou]

taskii.N ko ham na roe.n jo zauq-e-nazar mile
huraa.N-e-Khuld me.n terii suurat magar mile

apanii galii me.n mujh ko na kar dafn baad-e-qatl
mere pate se Khalq ko kyo.n teraa ghar mile

saaqii garii kii sharm karo aaj varnaa ham
har shab piyaa hii karate hai.n mai jis qadar mile

tum ko bhii ham dikhaaye ke majanuu.N ne kyaa kiyaa
fursat kashaakash-e-Gam-e-pinhaa.N se gar mile

laazim nahii.n ke Khijr kii ham pairavii kare.n
maanaa ke ek buzurg hame.n ham safar mile

 

[Zizou]

letaa nahii.n mere dil-e-aavaaraa kii Khabar
ab tak vo jaanataa hai ke mere hii paas hai

kiije bayaa.N suruur-e-tap-e-Gam kahaa.N talak
har muu mere badan pe zabaan-e-sipaas hai

pii jis qadar mile shab-e-mahataab me.n sharaab
is balagamii mizaaj ko garmii hii raas hai

 

[NaqsheYaar]

Najaane kon duaaon mein yaad rakhta hai
mein doobta hoon samandar uchaal deta hai

 

[ajtr]

mai.n ne dekhaa diivaano.n ko shaam ke baad
Farhat Abbas Shah

mai.n ne dekhaa diivaano.n ko shaam ke baad
Dhuu.NDh rahe the viiraano.n ko shaam ke baad

taariikii phir saare aib chhupaa legii
le aanaa ghar mahamaano.n ko shaam ke baad

mai.n ne us kaa sog manayaa kuchh aisaa
Khaalii rakhaa paimaano.n ko shaam ke baad

yaad kare jab mujh ko terii tanhaa_ii
dekhaa karanaa gul_daano.n ko shaam ke baad

"Farhat" chaa.Nd ke Khauf se kar letaa huu.N band
kamare ke raushan_daano.n ko shaam ke baad

 

[ajtr]

samay samay kii Khalish me.n teraa malaal rahe
Farhat Abbas Shah

samay samay kii Khalish me.n teraa malaal rahe
judaa_iiyo.n me.n bhii yuu.N aalam-e-visaal rahe

anaa kii jang me.n ham jiit to gaye lekin
phir us ke baad bahut der tak niDhaal rahe

raah-e junuu.N me.n yahii zaad-e-raah hotaa hai
ke justajuu ba.De divaanagii bahaal rahe

hasii.n raate.n bhii mahake.n tumhaarii yaado.n se
ka.De dino.n me.n bhii pal pal teraa Khayaal rahe

tuu ek baar zaraa kishtiyaa.N jalaa to sahii
hai kyaa majaal ke ek lamhaa bhii zavaal rahe

---------- Post added at 09:00 AM ---------- Previous post was at 09:00 AM ----------

tuune dekhaa hai kabhii ek nazar shaam ke baad
Farhat Abbas Shah

tuune dekhaa hai kabhii ek nazar shaam ke baad
kitane chup-chaap se lagate hai.n shajar shaam ke baad

itane chup-chaap ke raaste bhii rahe.nge laa-ilm
chho.D jaaye.nge kissi roz nagar shaam ke baad

mai.n ne aisee hii gunaah terii judaa_ii me.n kiye
jaise tuufaan me.n ko_ii chho.D de ghar shaam ke baad

shaam se pahale vo mast apanii u.Daano.n me.n rahaa
jis ke haatho.n me.n the TuuTe hue par shaam ke baad

raat biitii to gine aable aur phir sochaa
kaun thaa baa_is-e-aaGaaz-e-safar shaam ke baad

tuu hai suuraj tujhe maaluum kahaa.N raat kaa dukh
tuu kisii roz mere ghar me.n utar shaam ke baad

lauT aaye na kissi roz vo aavaaraa majaaz
khol rakhate hai.n isii aas pe dar shaam ke baad

 

[ajtr]

agar badan ek makaan hai
Farhat Shehzad

agar badan ek makaan hai
makaan bhii ek kiraaye kaa
aur is me.n ham muqiim hai.n
kiraayedaar kii tarah
to maalike-makaan ko koii
Khabar bhej de
ke luT chuke hai.n ham
hamaare paas ab nahii.n hai
koii aisii shaih
kii jisako ham kiraaye ke bataur
usako de sake.n
baGair kuchh adaa kiye
Thaharanaa is makaan me.n
hamaarii zaKhm zaKhm par
bula.nd sar panaah qubuul kar sake
nahii.n hai ye hame.n yaqii.n
to maalike-makaan
yaa to aa ke sambhaal le vagarnaa phir
hame.n ye Khud makaan
usako chho.D kar safar ke baa.Ndhanii pa.Degii
ye shikastaa-tar kamar

 

[ajtr]

ek bas tuu hii nahii.n mujhase Khafaa ho baiThaa
Farhat Shehzad

ek bas tuu hii nahii.n mujhase Khafaa ho baiThaa
mai.n ne jo sa.ng taraashaa vo Khudaa ho baiThaa

uTh ke ma.nzil hii agar aaye to shaayad kuchh ho
shauq-e-ma.nzil me.n meraa aabalaapaa ho baiThaa

masalahat chhin gaii quvvat-e-guftaar magar
kuchh na kahanaa hii meraa merii sadaa ho baiThaa

shukriyaa ae mere qaatil ae masiihaa mere
zahar jo tune diyaa thaa vo davaa ho baiThaa

jaane 'Shehzaad' ko min_jumlaa-e-aadaa paakar
huuk vo uTThii ke jii tan se judaa ho baiThaa

 

[ajtr]

khaa kar zaKhm duaa di ham ne
Farhat Shehzad

khaa kar zaKhm duaa di ham ne
bas yuu.N umr bitaa dii ham ne

raat kuchh aise dil dukhataa thaa
jaise aas bujhaa dii ham ne

sannaaTe ke shahar me.n tujh ko
be-aavaaz sadaa dii ham ne

dekh ke jis ko dil dukhataa thaa
vo tasviir jalaa dii ham ne

aa "Shehzad" tujhe samajhaaye.n
kyuu.Nkar umr ga.Nvaa dii ham ne

 

[ajtr]

Khulii jo aa.Nkh to vo thaa na vo zamaanaa thaa
Farhat Shehzad

Khulii jo aa.Nkh to vo thaa na vo zamaanaa thaa
dahakatii aag thii tanhaa_ii thii fasaanaa thaa

Gamo.n ne baa.NT liyaa mujhe yuu.N aapas me.n
ke jaise mai.n ko_ii luuTaa huaa Khazaanaa thaa

ye kyaa ke cha.nd hii qadamo.n pe thak ke baiTh gaye
tumhe.n to saath meraa duur tak nibhaanaa thaa

mujhe jo mere lahuu me.n Dubo ke guzaraa hai
vo ko_ii Gair nahii.n yaar ek puraanaa thaa

Khud apane haath se "Shahzad" us ko kaaT diyaa
ke jis daraKht ke Tahanii pe aashiyaanaa thaa

 

[ajtr]

Khvaabo.n me.n tere gar merii Khvaahish nahii.n hogii
Farhat Shehzad

Khvaabo.n me.n tere gar merii Khvaahish nahii.n hogii
mujhase terii aa.Nkho.n kii parastish nahii.n hogii

aavaaz merii baiTh to sakatii hai thakan se
lahaje me.n agar mere guzaarish nahii.n hogii

ho fikr jise Khud vo meraa haal parakh le
mujhase to mere Gam kii numaaish nahii.n hogii

maane ke na maane mujhe 'Shehzaad' zamaanaa
ye tai hai ke mujh se koii saazish nahii.n hogii

---------- Post added at 09:13 AM ---------- Previous post was at 09:12 AM ----------

kyaa Khabar thii ke mai.n is darjaa badal jaa_uu.Ngaa
Farhat Shehzad

kyaa Khabar thii ke mai.n is darjaa badal jaa_uu.Ngaa
tujh ko kho duu.Ngaa tere Gam se sambhal jaa_uu.Ngaa

[is darjaa = so much]

ajanabii ban ke miluu.Ngaa mai.n tujhe mahafil me.n
tuu ne chhe.Dii bhii to mai.n baat badal jaa_uu.Ngaa

Dhuu.NDh paaye na jahaa.N yaad bhii terii mujh ko
aise jangal me.n kisii roz nikal jaa_uu.Ngaa

zid me.n aaye hue maasuum se bachche kii tarah
Khud hii kashtii ko Dubone pe machal jaa_uu.Ngaa

[kashtii = boat]

---------- Post added at 09:13 AM ---------- Previous post was at 09:13 AM ----------

dekh kar us hasiin paikar ko
Farig Bukhari

dekh kar us hasiin paikar ko
nashaa-saa aa gayaa samandar ko

[paikar = form/appearance]

Dolatii Dag_magaatii-sii naav
pii ga_ii aa ke saare saagar ko

Khushk pe.Do.n me.n jaan pa.Dane lagii
dekh kar ruup ke samandar ko

[Khushk = dry]

bahar pyaase kii justajuu me.n hai
hai sadaf kii talaash gauhar ko

[bahar = ocean; justajuu = search]
[sadaf = oyster; gauhar = pearl]

ko_ii to niim_vaa dariicho.n se
dekhe us ***_jage ke manzar ko

[niim_vaa = half-open]

ek devii hai muntazir 'faariG'
vaa kiye paT sajaaye mandr ko

[muntazir = waiting; vaa = open]

 

[ajtr]

masiih-e-vaqt sahii ham ko is se kyaa lenaa
Farig Bukhari

masiih-e-vaqt sahii ham ko is se kyaa lenaa
kabhii mile bhii to dard-e-dil ba.Dhaa lenaa

hazaar tark-e-vafaa kaa Khayaal ho lekin
jo ruu-ba-ruu huu.N to ba.Dh ke gale lagaa lenaa

kisii ko choT lage apane dil ko Khuu.N karanaa
zamaane bhar ke Gamo.n ko gale lagaa lenaa

Khumaar TuuTe to kaise ke ham ne siikh liyaa
tuu na ho to terii yaad se nashaa lenaa

safiinaa Duub bhii jaaye to Gam nahii.n 'Farig'
na bhuul kar kabhii ehasaan-e-naaKhudaa lenaa