....:::Shair O Shaery:::....

[shining eyes]

Ek chehra nayab dikhayi deta hai,
Khawbon mai bhi khawab dikhayi deta hai,

Kon hai jis ki khatir yeh pagal dil,
Har lamha betaab dikhayi deta hai,

Tere hi jalwon se mere afsane ka,
Roshan eke k baab dekhayi deta hai,

Pehli chahat ka nanha sa poda bhi,
Jiwan bhar shadab dikhayi deta hai,

Sapnon ki jab koi basti basti hai,
Be mousam selaab dekhayi deta hai,

Ghat’ti umr ki dolat kis ko dikhti hai,
Bas maal-o-asbaab dekhayi deta hai,

DUKH jaye jab RAGHIB wo roshan chehra
Phir kis ki mehtaab dekhayi deta hai…!!!!!

 

[shining eyes]

Nice poetry

 

[naumananjum]

wowwwwww
yahan to mehfil garam hai

 

[shining eyes]

Ghazal
Suna hOga bOhet tUm Nay
Kahien AankhOn Kii Rim Jhim Ka
Kahien PalkOn Kii Shabnam Ka
Parha hOga bOhet tUm Nay
Kahien Lehjay Kii BaRish Ka
Kahien Sagar Kay AansOo Ka
Magar tUm Nay Kabhi hUmdam
Kahiein Daikhay Kahien Parkhay
Kisi TehReer Kay AansOo ??

mUjhay Teri jUdaii Nay
Yahii MaiRaaj BaikhShii hAi
K Main jO Lafz Likhta hOn
wO Saray Lafz rOtay hAin
K Main jO Harf bUnta hOn
wO Saray Bain KaRtay hAin
Meray Sang Is jUdaaii Mein
Meray Alfaaz Martay hAin

Sabhi Tareef Kartay hAin
Meri TehReer Kii Lekin
Kabhi kOii Nahien Sunta
Meray Alfaaz Kii Siskii
Falak Bhi jO Hilla Daalay
Meray LafzOn Mein hAin Shamil
Usii TaSeer Kay AansOo
Kabhi DaikhO Meray hUmdum
Meri TehReer Kay AansOo

 

[naumananjum]

mujhay to ic thread ka pata he nai tha

 

[Windjammer]

Kuch Souch Key Shama Pey Parwana Jala Ho Ga,

Shahid Isey Jalney Mein Jeeney Ka Maza Ho Ga.

 

[ajtr]

ras me.n Duuba huaa laharaataa badan kyaa kahanaa
Firaq Gorakhpuri

ras me.n Duuba huaa laharaataa badan kyaa kahanaa
karavaTe.n letii hu_ii subah-e-chaman kyaa kahanaa

baaG-e-jannat me.n ghaTaa jaise baras ke khul jaaye
so.ndhii so.ndhii terii Khushbuu-e-badan kyaa kahanaa

jaise laharaaye ko_ii sholaa kamar kii ye lachak
sar ba-sar aatish-e-sayyaal badan kyaa kahanaa

qaamat-e-naaz lachakatii hu_ii ik qaus-o-e-qazaah
zulf-e-shab ra.ng kaa chhayaa huaa gahan kyaa kahanaa

jis tarah jalvaa-e-firdaus havaao.n se chhiine
pairaahan me.n tere rangiinii-e-tan kyaa kahanaa

jalvaa-o-pardaa kaa ye ra.ng dam-e-nazzaaraa
jis tarah adh-khule ghu.NghaT me.n dulhan kyaa kahanaa

jagamagaahaT ye jabii.n kii hai ke pau phaTatii hai
muskuraahaT hai terii subah-e-chaman kyaa kahanaa

zulf-e-shab_guu.N kii chamak paikar-e-siime.n kii damak
diip maalaa hai sar-e-gang-o-jaman kyaa kahanaa

---------- Post added at 11:57 PM ---------- Previous post was at 11:56 PM ----------

sakuut-e-shaam miTaao bahut a.Ndheraa hai
Firaq Gorakhpuri

sakuut-e-shaam miTaao bahut a.Ndheraa hai
suKhan kii shamaa jalaao bahut a.Ndheraa hai

[sakuut=silence]

dayaar-e-Gam me.n dil-e-beqaraar chhuuT gayaa
sambhal ke Dhuu.DHane jaao bahut a.Ndheraa hai

ye raat vo ke suujhe jahaa.N na haath ko haath
Khayaalo duur na jaao bahut a.Ndheraa hai

laTo.n ko chehare pe Daale vo so rahaa hai kahii.n
zayaa-e-ruKh ko churaao bahut a.Ndheraa hai

[zayaa=radiance]

havaaye.N niim shabii ho.n ki chaadar-e-a.njum
naq aab ruKh se uThaao bahut a.Ndheraa hai

[niim shabii=midnight; chaadar-e-a.njum=sheet of stars]

shab-e-siyaah me.n gum ho ga_ii hai raah-e-hayaat
qadam sambhal ke uThaao bahut a.Ndheraa hai

guzashtaa ahd kii yaado.n ko phir karo taazaa
bujhe chiraaG jalaao nahut a.Ndheraa hai

[gu zashtaa=past]

thii ek uchakatii hu_ii nii.nd zi.ndagii usakii
'Firaq' ko na jagaao bahut a.Ndheraa hai

[uchakatii=disturbed]

---------- Post added at 11:57 PM ---------- Previous post was at 11:57 PM ----------

sar me.n saudaa bhii nahii.n dil me.n tamannaa bhii nahii.n
Firaq Gorakhpuri

sar me.n saudaa bhii nahii.n dil me.n tamannaa bhii nahii.n
lekin is tark-e-mohabbat kaa bharosaa bhii nahii.n

[saudaa=madness; tark-e-mohabbat=giving up of love]

yuu.N to hangaame uThaate nahii.n diivaanaa-e-ishq
magar ai dost kuchh aiso.n kaa Thikaanaa bhii nahii.n

muddate.n guzarii.n terii yaad bhii aaii na hame.n
aur ham bhuul gae ho.n tujhe aisaa bhii nahii.n

ye bhii sach hai ke mohabbat me.n nahii.n mai.n majabuur
ye bhii sach hai ke teraa husn kuchh aisaa bhii nahii.n

dil kii gi.ntii na yagano.n me.n na begaano.n me.n
lekin is jalvaagaah-e-naaz se uThataa bhii nahii.n

[yaganaa=kindred; begaanaa=stranger]
[jalvaagaah=place of manisfestation/gathering]

badagumaa.N ho ke mil aaii dost jo milanaa hai tujhe
ye jhijhakte hue milanaa koi milanaa bhii nahii.n

[badagumaa.N=without doubt/suspicion]

shikvaa-e-jaur kare kyaa koii us shoKh se jo
saaf qaayal bhii nahii.n saaf mukartaa bhii nahii.n

[shikvaa-e-jaur=complain about oppression; qaayal=fond (of)]

meharbaanii ko mohabbat nahii.n kahate ai dost
aah mujhase to merii ra.njish-e-bejaa.N bhii nahii.n

baat ye hai ki sukuun-e-dil-e-vahashii kaa maqaam
ku.nj-e-zi.ndaa.N bhii nahii.n vusa'at-e-seharaa bhi nahii.n

[vahashii=wild/untamed; zi.ndaa.N=prison; vusa'at=expanse]

muu.Nh se ham apane buraa to nahii.n kahate, ke 'Firaq'
hai teraa dost magar aadamii achchhaa bhii nahii.n

 

[ajtr]

shaam-e-Gam kuchh us nigaah-e-naaz kii baate.n karo
Firaq Gorakhpuri

shaam-e-Gam kuchh us nigaah-e-naaz kii baate.n karo
beKhudii ba.Dhatii chalii hai raaz kii baate.n karo

nakhat-e-zulf-e-pareshaa.N, daastaan-e-shaam-e-Gam
subah hone tak isii a.ndaaz kii baate.n karo

[nakhat-e-zulf-e-pareshaa.N=disarrayed fragrant hair]

ye sukuut-e-yaas ye dil kii rago.n kaa TuuTanaa
Khaamoshii me.n kuchh shikast-e-saaz kii baate.n karo

[sukuut=silence; yaas=disappointment]
[shikast-e-saaz=breakdown of musical instruments]

har rag-e-dil vazd me.n aatii rahe dukhatii rahe
yuu.N hii us ke jaa-o-bejaa naaz kii baate.b karo

[vajd=extreme happiness; jaa-o-bejaa=right and wrong]

kuchh qafas kii tiiliyo.n se chhan rahaa hai nuur saa
kuchh fazaa kuchh hasarat-e-paravaaz ki baate.n karo

[qafas=cage/prison; nuur=light; hasarat-e-paravaaz=desire to fly]

jis kii furqat ne palaT dii ishq kii kaayaa "Firaq"
aaj usii isaa-nafas dam-saaz kii baate.n karo

[furqat=separation; isaa-nafas=breath of Christ]

 

[ajtr]

sitaaro.n se ulajhataa jaa rahaa huu.N
Firaq Gorakhpuri

sitaaro.n se ulajhataa jaa rahaa huu.N
shab-e-furqat bahut ghabaraa rahaa huu.N

tere Gam ko bhii kuchh bahalaa rahaa huu.N
jahaa.N ko bhii samajhaa rahaa huu.N

yaqii.n ye hai haqiiqat khul rahii hai
gumaa.N ye hai ki dhokhe khaa rahaa huu.N

agar mumkin ho le le apanii aahaT
Khabar do husn ko mai.n aa rahaa huu.N

hade.n husn-o-ishq kii milaakar
qayaamat par qayaamat Dhaa rahaa huu.N

Khabar hai tujhako ai zabt-e-muhabbat
tere haatho.n me.n luTataa jaa rahaa huu.N

asar bhii le rahaa huu.N terii chup kaa
tujhe kaayal bhii karataa jaa rahaa huu.N

bharam tere sitam kaa khul chukaa hai
mai.n tujhase aaj kyo.n sharmaa rahaa huu.N

tere pahaluu me.n kyo.n hotaa hai mahasuus
ki tujhase duur hotaa jaa rahaa huu.N

jo ulajhii thii kabhii aadam ke haatho.n
vo gutthii aaj tak sulajhaa rahaa huu.N

muhabbat ab muhabbat ho chalii hai
tujhe kuchh bhuulataa-saa jaa rahaa huu.N

ye sannaaTaa hai mere paa.Nv kii chaap
"Firaq" apanii kuchh aahaT paa rahaa huu.N

 

[ajtr]

thar_tharii sii hai aasamaano.n me.n
Firaq Gorakhpuri

thar_tharii sii hai aasamaano.n me.n
zor kuchh to hai naatavaano.n me.n

[thar_tharii = tremors; naatavaa.N = weak]

kitanaa Khaamosh hai jahaa.N lekin
ik sadaa aa rahii hai kaano.n me.n

ko_ii soche to farq kitanaa hai
husn aur ishq ke fasaano.n me.n

[farq = difference]

maut ke bhii u.De hai.n aksar hosh
zindagii ke sharaab_Khaano.n me.n

jin kii taamiir ishq karataa hai
kaun rahataa hai un makaano.n me.n

[taamiir = construction]

inhii.n tinako.n me.n dekh ai bul_bul
bijaliyaa.N bhii hai.n aashiyaano.n me.n

 

[ajtr]

ye maanaa zindagii hai chaar din kii
Firaq Gorakhpuri

ye maanaa zindagii hai chaar din kii
bahut hote hai.n yaaro chaar din bhii

Khudaa ko paa gayaa vaa_iz magar hai
zaruurat aadamii ko aadamii kii

milaa huu.N muskuraa ke us se har baar
magar aa.Nkho.n me.n bhii thii kuchh namii sii thii

muhabbat me.n kahe.n kyaa haal dil kaa
Khushii hii kaam aatii hai na Gam hii

bharii mahafil me.n har ek se bachaakar
terii aa.Nkho.n ne mujh se baat kar lii

la.Dakapan kii adaa hai jaan-levaa
Gazab kii chhokarii hai haath-bhar kii

raqiib-e-Gamazadaa ab sabr kar le
kabhii us se merii bhii dostii thii

 

[ajtr]

ye nikhato.n kii narm ravii ye havaa ye raat
Firaq Gorakhpuri

ye nikhato.n kii narm ravii ye havaa ye raat
yaad aa rahe hai.n ishq ke TuuTe ta'alluqaat

maayuusiyo.n kii god me.n dam to.Dataa hai ishq
ab bhii ko_ii banaa le to biga.Dii nahii.n hai baat

ik umr kaT ga_ii hai tere intazaar me.n
aise bhii hai.n ke kaT na sakii jin se ek raat

ham ahal-e-intazaar ke aahaT pe kaan the
Tha.NDii havaa thii Gam thaa teraa Dhal chalii thii raat

har saa_i-o-har amal me.n muhabbat kaa haath hai
taamiir-e-zi.ndagii ke samajh kuchh muharakaat

ahal-e-razaa me.n shaan-e-baGaavat bhii ho zaraa
itanii bhii zi.ndagii na ho paaba.nd-e-rasmiyaat

uTh ba.ndagii se maalik-e-taqadiir ban ke dekh
kyaa vasvasaa azaab kaa kyaa kaavish-e-nijaat

mujh ko to Gam ne fursat-e-Gam bhii na dii "Firaq"
de fursat-e-hayaat na jaise Gam-e-hayaat

 

[ajtr]

ye to nahii.n ke Gam nahii.n
Firaq Gorakhpuri

ye to nahii.n ke Gam nahii.n
haa.N merii aa.Nkh nam nahii.n

tum bhii to tum nahii.n ho aaj
ham bhii to aaj ham nahii.n

ab na Khushii kii hai Khushii
Gam kaa bhii ab to Gam nahii.n

maut agarche maut hai
maut se ziist kam nahii.n

 

[ajtr]

ab aksar chup-chup se rahe hai.n yuu.N hii kabhuu lab khole hai.n


ab aksar chup-chup se rahe hai.n yuu.N hii kabhuu lab khole hai.n
pahale "Firaq" ko dekhaa hotaa ab to bahut kam bole hai.n

din me.n ham ko dekhane vaalo apane apane hai.n auqaat
jaao na tum in Khusk aa.Nkho.n par ham raato.n ko ro le hai.n

fitarat merii ishq-o-muhabbat qismat merii tanhaa_ii
kahane kii naubat hii na aa_ii ham bhii kasuu ke ho le hai.n

baaG me.n vo Khvaab-aavar aalam mauj-e-sabaa ke ishaaro.n par
Daalii Daalii nauras patte sahas sahaj jab Dole hai.n

uf vo labo.n par mauj-e-tabassum jaise karavaTe.n le.n kau.nde.n
haay vo aalam jumbish-e-mizagaa.N jab fitne par tole hai.n

in raato.n ko hariim-e-naaz kaa ik aalam hoye hai nadiim
khalvat me.n vo narm u.ngaliyaa.N ba.nd-e-qabaa jab khole hai.n

[hariim-e-naaz=; khalvat=solitude; ba.nd-e-qabaa=buttons of the dress]

Gam kaa fasaanaa sunane vaalo aaKhir-e-shab aaraam karo
kal ye kahaanii phir chhe.De.nge ham bhii zaraa ab so le hai.n

[aaKhir-e-shab=end of night]

ham log ab to paraaye se hai.n kuchh to bataao haal-e-"Firaq"
ab to tumhii.n ko pyaar kare hai.n ab to tumhii.n se bole hai.n

---------- Post added at 12:10 AM ---------- Previous post was at 12:09 AM ----------

ai jazb-e-nihaa.N aur ko_ii hai ke vahii hai
Firaq Gorakhpuri

ai jazb-e-nihaa.N aur ko_ii hai ke vahii hai
Khilavat-kadaa-e-dil me.n aavaaz hu_ii hai

kah de to zaraa sar tere daaman me.n chhipaa luu.N
aur yuu.N to muqaddar me.n mere be-vatanii hai

vo ra.ng ho yaa buu ho ke baad-e-saharii ho
ai baaG-e-jahaa.N jo bhii yahaa.N hai safarii hai

ye baarish-e-a.nvar ye ra.ngiini-e-guftaar
gul-baarii-o-gul-sairii-o-gul-pairahanii hai

ai zi.ndagii-e-ishq me.n samajhaa nahii.n tujh ko
jannat bhii jahannum bhii ye kyaa buulajabii hai

hai nutq jise chuumane ke vaaste betaab
sau baat kii ik baat terii be-sakhunii hai

mauje.n hai.n mai-e-surKh kii yaa khaTT-e-dahan hai.n
lab hai ki ko_ii sholaa-e-barq-e-ambii hai

jaage hai.n "Firaq" aaj Gam-e-hijaraa.N me.n taa-subah
aahistaa se aa jaao abhii aa.Nkh lagii hai

 

[Windjammer]

Aye Hain Woh Mazar Pey Ghounghat Uttar Key,

Tu Mujh Sey Naseeb Achey Hain Merey Mazar Key,

Maqdal Mein Na Haal Pouchou Mujh Beqarar Key,

Mian, Tum Apney Ghar Ko Chalou Churi Pheer Phaar Key,

Bijli Kabi Giri, Kabi Sayaad Aa Gaya,

Hum Ney Tu Chaar Din Bi Na Dhekhey Bahar Key.