FOOLS_NIGHTMARE
ELITE MEMBER
- Joined
- Sep 26, 2018
- Messages
- 18,063
- Reaction score
- 12
- Country
- Location
طالبان کی جانب سے پاکستان سے جانے والے ٹرک سے پرچم اتارے جانے کا معاملہ کیا ہے؟
21 ستمبر 2021، 19:29 PKT
اپ ڈیٹ کی گئی 39 منٹ قبل
،تصویر کا ذریعہSOCIAL MEDIA
،تصویر کا کیپشن
یہ واقعہ طورخم سرحد پر پیش آیا
پاک افغان طورخم سرحد پر پاکستان سے افغانستان جانے والے امدادی سامان کے ٹرک سے پاکستان کا جھنڈا اتارے جانے کو افغان طالبان کے ترجمان ذبیح اللہ مجاہد نے ’بدترین واقعہ‘ قرار دیا ہے اور بی بی سی کو بتایا ہے کہ اس واقعے میں ملوث چار افراد کو گرفتار کر لیا گیا ہے۔
اس واقعے کی ویڈیو سوشل میڈیا پر وائرل ہو رہی ہے۔
اس سے پہلے بی بی سی کے لیے صحافی محمود جان بابر کو اس واقعے پر ردعمل دیتے ہوئے ذبیح اللہ مجاہد نے کہا کہ ’ہم اس کی مذمت کرتے ہیں اور کوشش کریں گے کہ اس طرح کا واقعہ دوبارہ رونما نہ ہو۔‘
واضح رہے کہ اتوار کے روز پاکستان سے افغانستان جانے والے امدادی سامان کے ٹرک پر لگے پاکستانی پرچم کو افغان طالبان نے افغانستان کی حدود میں اتار دیا تھا۔ یہ امدادی سامان پاک افغان تعاون فورم کی جانب سے بھیجا گیا ہے۔
اس حوالے سے منظر عام پر آنے والی ویڈیو میں دیکھا جا سکتا ہے کہ پاکستان اور افغانستان کی سرحد عبور کرنے کے بعد جب امدادی سامان سے بھرا یہ ٹرک افغانستان میں داخل ہوتا ہے تو وہاں انتظار میں کھڑے افغان طالبان ٹرک کو روکتے ہیں اور اس پر لگے پاکستانی پرچم کو اتار دیتے ہیں۔
افغان طالبان کے ترجمان ذبیح اللہ مجاہد نے کہا تھا کہ اس واقعے پر ’پوری طالبان قیادت غصے میں ہے‘ لہذا اس واقعے میں ’ملوث افراد کو جلد ہی گرفتار کیا جائے گا اور سخت سے سخت سزا دے جائے گی‘۔
طالبان کی جانب سے پاکستانی ٹرک سے پرچم اتارے جانے کا معاملہ کیا ہے؟
،ویڈیو کیپشن
پاکستان سے افغانستان جانے والے امدادی ٹرکوں سے پاکستانی پرچم اتار لیے گئے
اتوار کے روز پاک افغان کارپوریشن فورم کی جانب سے پاکستان اور افغانستان کے دررمیان طورخم سرحد پر امدادی سامان سے بھرے 17 ٹرک جن میں 300 ٹن اشیا تھیں افغانستان روانہ کیے گئے۔
اس حوالے سے سرحد پر ایک تقریب بھی منعقد ہوئی جس میں دونوں ملکوں کے عمائدین نے شرکت کی۔
اس امدادی سامان میں آٹا، دالیں، گھی، چینی، چاول اور کھانے پینے کی دیگر اشیا کے ساتھ ادویات بھی بھیجی گئی تھیں۔
صحافی محمود جان بابر کو عینی شاہدین نے بتایا کہ ان 17 ٹرکوں میں پہلے ٹرک پر پرچم نہیں تھا بلکہ دوسرے ٹرک پر پاکستان کا جھنڈا لگا ہوا تھا، جس کو دیکھتے ہی سرحد پر کھڑے مسلح افراد نے اس ٹرک کو روکا اور پرچم کے ساتھ لگا ڈنڈا توڑ کر اسے اتار دیا۔
عینی شاہدین کے مطابق جھنڈا اتارنے کے بعد ہی ٹرک کو آگے جانے دیا گیا جبکہ ان 17 ٹرکوں میں سے صرف ایک پر پاکستان کا جھنڈا لگا ہوا تھا۔
پیر کے روز چار مزید ٹرالر پر بھی امدادی سامان افغانستان بھیجا گیا لیکن ان ٹرالر میں سے کسی پر بھی پاکستان کا پرچم نہیں لگا تھا۔
،تصویر کا ذریعہSOCIAL MEDIA
پاک افغان تعاون فورم کے ایک عہدیدار نے نام ظاہر نہ کرنے کی شرط پر بتایا کہ پاکستان کی حدود تک یہ سامان ان کی ذمہ داری تھی اور اس سامان کی حوالگی تک ماحول بھی بہت خوشگوار تھا۔
انھوں نے بتایا کہ طالبان کے ذمہ داران نے خود ان سے یہ سامان وصول کیا اور یہ ٹرک طالبان کی موجودگی میں ہی افغانستان کے اندر چلے گئے۔
عہدیدار کے مطابق اس کے بعد انھیں نہیں معلوم کہ وہاں کیا ہوا تاہم اس واقعے کی یہ ویڈیو سامنے آنے کے بعد ان کی جانب سے تحقیقیات جاری ہیں کہ یہ پرچم کیوں اتارا گیا۔
اس حوالے سے سرحد پر موجود افغان طالبان کے پاس جو مقامی کمانڈر تھے، ان سے جب رابطہ کرنے کی کوشش کی گئی تو بتایا گیا کہ ابھی وہ افراد وہاں موجود نہیں جن کی ڈیوٹی کے دوران یہ واقعہ پیش آیا۔
Afghan Taliban order arrest of miscreants who ripped Pakistani flag
The Afghan Taliban have ordered action against alleged Taliban fighters who desecrated Pakistan’s flag at the Afghanistan-Pakistan border in Torkham. According to a tweet by an Afghan news outlet on Tuesday, Taliban spokesperson Zabihullah Mujahid and other leaders of the group were displeased...
minutemirror.com.pk
