جسٹس اعجاز الاحسن نشانہ کیوں؟؟؟
پاناما کے پورے کیس کے دوران جو جج سب سے کم بولا اور سب اہم سوالات اٹھائے وہ جسٹس اعجاز الاحسن تھے۔جسٹس اعجاز الاحسن جو سوال پوچھتے تھے وہ اتنا اہم ہوتا تھا کہ اکثر وہ اس دن کی ہیڈ لائن بنتا تھا۔پھر جسٹس اعجاز الاحسن ہی تھے جنہوں نے 20اپریل کے فیصلے میں ایف زیڈ ای کا ذکر کردیا تھا۔جس پر دانیال عزیز کا ایک ویڈیو کلپ سامنے آیا تھا جس میں وہ نوازشریف کی موجودگی میں جسٹس اعجاز الاحسن کے بارے میں کہہ رہے ہیں اس جج کے بارےمیں ہم نے بہت کچھ اکھٹا کرلیا ہے۔اس کو اب جواب دینا پڑے گا اور اہم بات یہ ہے کہ دانیال عزیز جن تین بیانات پر توہین عدالت کے کیس کا سامنا کررہے ہیں ان میں سے دو جسٹس اعجاز الاحسن کے خلاف ہیں۔
اس میں سے ایک وہی دھمکی آمیز بیان ہے جو انہوں نے جسٹس اعجاز الاحسن کو دیا تھا۔پھر جسٹس اعجاز الاحسن ہی تھے جنہوں نے شریف خاندان کی جے آئی ٹی میں پیشیوں پر کہا تھا کہ ان کی تمام پیشیوں میں حکمت عملی یہی رہی کہ جے آئی ٹی کے سامنے جاؤ تو کچھ بتاؤ نہیں،وہ خود کچھ سامنے رکھیں تو اس کا اعتراف نہ کرو،وہ کوئی دستاویزات مانگیں تو دو نہیں۔۔۔اورانہیں نکالنے دو اگر وہ خود کچھ نکال سکتے ہیں۔اس پر انہوں نے مزید کہا تھا کہ اب اگر جے آئی ٹی خود بہت کچھ نکال لائی ہے تو پھر شکایت کیسی؟؟؟
جسٹس اعجاز الاحسن ہی ملزم شریف خاندان کے ٹرائل کے نگران جج ہیں۔نوازشریف اور مریم نواز براہ راست پاناما بینچ کے ججز کے خلاف اشتعال پھیلا چکے ہیں۔جلسوں میں کہہ چکے ہیں کہ عوام ان پانچ ججز سے حساب مانگیں گے۔
گزشتہ چار ماہ سے چیف جسٹس میاں ثاقب نثار نے عوامی مفاد کے ایشوز پر جو جوڈیشل ایکٹیوزم شروع کر رکھا ہے اس میں مستقل طور پر جسٹس اعجاز الاحسن ان کے ساتھ بینچ میں شامل ہیں۔جسٹس اعجاز الاحسن کے بارے میں ہی چیف جسٹس نے کہا کہ انہوں نے برطانوی عدالت کا ایک فیصلہ نکالا ہے جس کے مطابق اگر عدلیہ کے خلاف یک طرفہ الزامات کا سلسلہ جاری ہوتو جج اس پر بول سکتے ہیں اور جواب دے سکتے ہیں۔گزشتہ چار ماہ میں جتنی بھی کرپٹ اشرافیہ اور مافیاز کے خلاف فیصلے آئے ہیں ان میں جسٹس اعجاز الاحسن کا دبنگ کردار ہے۔ایک ایسا جج جو تمام فائلیں پڑھ کر آتا ہے،جو انتہائی جرآت کے ساتھ فیصلے دیتے تھے۔جس کے راستے میں مفاد،لالچ اور خوف آڑے نہیں آتا اس کے گھر پر فائرنگ کرنے سے کچھ حاصل نہیں ہوگا اور پھر ایک ایسے وقت میں جب چیف جسٹس میاں ثاقب نثار اپنے تمام ججز اور خاص طور پر پاناما بینچ کے ججز کے ساتھ دل و جان سے کھڑے ہیں۔
https://www.facebook.com/photo.php?f...1262604&type=3
