Urdu Poetry in Roman Font...

[Maarkhoor]

Woh gumaan gumaan sa qayas sa
kabhi door sa kabhi paas sa
kabhi chandni main chupa hua
kabhi khushbuoon main basa hua

kabhi sirf us Ki shabahatain
kabhi sirf us Ki hikayatain
kabhi sirf milnay K silsilay
kabhi sirf Us say hain faaslay

kabhi door chalti hawaoon main
kabhi Meena barasti ghataoon Main
kabhi Bad-gumaan kabhi meherbaan
kabhi dhoop hai kabhi saayebaan

kabhi band dil Ki kitaab main
kabhi Lab kushaan woh khwab main
kabhi youn K jaisay sawal ho
kabhi youn k jaisay khayal ho

kabhi dekhnay K hain silsilay
kabhi sochnay K hain marhalay
kabhi sirf Rang-E-bahar Sa
kabhi sirf Ek ghubaar sa

kabhi dastaras K qareeb qareeb
kabhi door paas kahin nahi
yeh jo ukhrra Ukhrra Sa shakhs Hai
yeh Jo bikhhra bikhra Sa shakhs hai...!

 

[Maarkhoor]

@war&peace @django @Burhan Wani @Divergent

Na Samaaton Mein Tapash Ghule Na Nazar Ko
Poet Mohsin Naqvi

Na Samaaton Mein Tapash Ghule,

Na Nazar Ko Waqf-E-Azab Kar,

Jo Sunai De Usay Chup Sikha,

Jo Dekhai De Usay Khawab Kar,

Abhi Muntashir Na Ho Ajnabi,

Na Wisaal Rutt K Karam Jata,

Jo Teri Talash Mein Gum Howay,

Kabhi Un Dino Ka Hisab Kar,

Mere Sabar Par Koi Ajar Kia,

Meri Dopehar Pe Ye Abar Kion?

Mujhe Orrhne De Aziyatein,

Meri Aadatein Na Kharab Kar,

Kahein Aablon K Bhanwar Bajein,

Kahein Dhoop Roop Badan Sajein,

Kabhi Dil Ko Thal Ka Mizaj De,

Kabhi Chashm-E-Tar Ko Chanab De,

Ye Hajoom-E-Shehr Sitamgaraan,

Na Sune Ga Teri Sadaa Kabhi,

Meri Hasraton Ko Sukhan Suna,

Meri Khawahishon Se Khatab Kar,

Ye Jaloos-E-Fasal-E-Bahar Hai Tehi Dast Yar Saja Isay,

Koi Ashk Phir Se Sharar Bana,

Koi Zakham Phir Se Gulab Kar.............!



@Joe Shearer @third eye @nair @MilSpec

 

[fitpOsitive]

Woh jo bechtay the dawa e dil...baki net se mulahiza fermaiyay.

 

[Maarkhoor]

Woh jo bechtay the dawa e dil...baki net se mulahiza fermaiyay.

Kabhi Ban Sanwar K Jo Aa Gaye

Poet Bahadur Shah Zafar

Kabhi Ban Sanwar K Jo Aa Gaye To Bahar-E-Husn Dekha Gaye,

Mere Dil Ko Dagh Laga Gaye Ye Dunia Naya Shagofa Khila Gaye,

Koi Kion Kisi Lubhaye Dil Koi Kia Kisi Se Lagaye Dil,

Wo Jo Bechte Thay Dawa-E-Dil Wo Dukan Apni Barha Gaye,

Mere Pas Aate Thay Dam Badam Wo Juda Na Hote Thay Aik Dam,

Ye Dekhaya Chargh Ne Kia Sitam K Mujhi Se Aankhain Chura Gaye,

Jo Milate Thay Mere Moonh Se Moonh Kabhi Lab Se Lab Kabhi Dil Se Dil,

Jo Gharoor Tha Wo Unhain Ye Tha Wo Sabhi Gharooron Ko Dha Gaye,

Bandhe Kion Na Aansoo'n Ki Jhari K Ye Hasrat Un K Galay Pari,

Wo Jo Kaklein Thein Bari Bari Wo Unhi K Paich Mein Aa Gaye........................!

----------------------

Na janay teez barish mien kiss k liye,
Chatri liye kardi hai woh,
Apnay kamray mien jaag raha houn mien,
Apnay kamray mien so rahi hai woh,
Kehti hai tum kitney achay ho Ahmed,
Bass yehi aik jhoot bolti hai woh...

 

[Divergent]

Bro. I don't understand it lmao

 

[Maarkhoor]

Bro. I don't understand it lmao

You can't speak Urdu?

 

[Nefarious]

Prob understood 10%

 

[fitpOsitive]

Kabhi Ban Sanwar K Jo Aa Gaye

Poet Bahadur Shah Zafar

Kabhi Ban Sanwar K Jo Aa Gaye To Bahar-E-Husn Dekha Gaye,

Mere Dil Ko Dagh Laga Gaye Ye Dunia Naya Shagofa Khila Gaye,

Koi Kion Kisi Lubhaye Dil Koi Kia Kisi Se Lagaye Dil,

Wo Jo Bechte Thay Dawa-E-Dil Wo Dukan Apni Barha Gaye,

Mere Pas Aate Thay Dam Badam Wo Juda Na Hote Thay Aik Dam,

Ye Dekhaya Chargh Ne Kia Sitam K Mujhi Se Aankhain Chura Gaye,

Jo Milate Thay Mere Moonh Se Moonh Kabhi Lab Se Lab Kabhi Dil Se Dil,

Jo Gharoor Tha Wo Unhain Ye Tha Wo Sabhi Gharooron Ko Dha Gaye,

Bandhe Kion Na Aansoo'n Ki Jhari K Ye Hasrat Un K Galay Pari,

Wo Jo Kaklein Thein Bari Bari Wo Unhi K Paich Mein Aa Gaye........................!

----------------------

Na janay teez barish mien kiss k liye,
Chatri liye kardi hai woh,
Apnay kamray mien jaag raha houn mien,
Apnay kamray mien so rahi hai woh,
Kehti hai tum kitney achay ho Ahmed,
Bass yehi aik jhoot bolti hai woh...

Subhanalla. Kia kehnay

 

[Maarkhoor]

Ziyada ghoor B acha nahien aysi batoun per,
Kisi ka naam hath pe likh likh k mitana meri adat hai,
Mohabat mien houn sanjeeda kitna deyktey rehna,
Mohabbat youn har kisi se jatana meri adat hai...

--------------------------
Dil ka sakoon cheen kr woh jeeney k asbaab le gaya,
Aik shaks meri neend mere khawab le gaya,
Batka ke saari raat mujhe sehar ki talash mien,
Najaney kahan kahan mujhe mahtaab le gaya.

---------------
Gurayz e shab se subhoo se Qalaam rakhtey tey,
Kabhi woh din thy k zulfoun mien shaam rakhtey tey,
Tumhary hath lagay hien jo karo so karo,
Kabhi tu hum app jaisey ghulaam rakhtey tey.

Woh Dil Ka Bura Na Bewafa Tha
Poet: Mohsin Naqvi

Woh Dil Ka Bura Na Bewafa Tha
Bas Mujh Say Yun Hi Bichar Gia
Lafzon Ki Hadon Say Mawran Tha
Ab Kis Say Kahon Woh Shakhs Kia Tha
Woh Meri Gazal Ka Aaina Tha
Har Shakhs Yeh Sab Janta Tha
Har Simt Is Ka Tazkirah Tha
Har Dil Mein Woh Jaisay Bas Raha Tha
Mein Is Ki Ana Ka Aasra Tha
Woh Mujh Say Kabhi Roothta Nahi Tha
Mein Dhoop Kay Ban Mein Jal Raha Tha
Woh Sayah Abr Ban Gia Tha
Mein Banjh Ruton Ka Aashna Tha
Woh Mosam Gul Ka Zaiqah Tha
Ik Bar bichar Kay Jab Mila Tha
Woh Mujh Say Mil Kay Ro Para Tha
Kia Kuch Na Is Say Kaha Gia Tha
Is Nay To Labon Ko Si Lia Tha
Woh Chand Ka Humsafar Tha Shayad
Raaton Ko Tamam Jagta Tha
Honton Mein Gulon Ki Narm Khushboo
Baaton Mein To Shehad Gholta Tha
Kehnay Ko Juda Tha Mujh Say Lekin
Woh Meray Ragon Mein Goonjta Tha
Is Nay Jo Kaha Kia Dil Nay
Inkar Ka Kis Mein Hoslah Tha
Yun Dil Mein Thi Yaad Is Ki Jaisay
Masjid Mein Chiragh Jal Raha Tha
Mat Pooch Hajab Kay Qarinay
Woh Mujh Say Bhi Kam Hi Khul Saka Tha
Is Din Mera Dil Bhi Tha Pareshan
Woh Bhi Mera Dil Say Kuch Khafa Tha
Mein Bhi Dara Hua Sa Lekin
Rung Is Ka Bhi Kuch Ura Ura Tha
Ik Khof Sa Hijr Ki Ruton Ka
Donon Peh Moheet Ho Chala Tha
Ik Pal Mein Jhapak Gayeen Jo Aakhein
Manzar Hi Doosra Tha
Socha To Thahar Gaye Zamanay
Dekha To Woh Door Ja Chuka Tha
Qadmon Say Zameen Sarak Gayi Thi
Suraj Ka Rung Saanola Tha
Chaltay Huye Log Bhi Ruk Gaye The
Thehra Hua Shehar Ghoomta Tha
Sahmay Huye Perh Kaanptay The
Patton Mein Har Is Reengta Tha
Rakhta Tha Mein Jis Mein Khaab Apnay
Woh Kanch Ka Ghar Chatakh Gia Tha
Hum Donon Ka Dukh Tha Aik Jaisa
Ahsaas Magar Juda Juda Tha
Kal Shab Mila Tha Woh Doston Ko
Kehtay Hain Udas Lag Raha Tha
Mohsin Yeh Ghazal Bhi Keh Rahi Hay
Shayed Tera Dil Dukha Hua Tha

kamal-e-zabt

By Parveen Shakir

" kamal-e-zabt ko khud bhi to azmaungi
main apne hath se us ki dulhan sajaungi

supurd kar k use chandni k hathon
main apne ghar k andheron ko laut aungi

badan k karb ko wo bhi samajh na payega
main dil main roungi ankhon main muskuraungi

wo kya gaya k rafaqat k sare lutf gaye
main kis se ruth sakungi kise manaungi

wo ik rishta-e-benam bhi nahin lekin
main ab bhi us k isharon pe sar jhukaungi

bicha diya tha gulabon k sath apna wajud
wo so k uthe to khwabon ki rakh uthaungi

ab us ka fun to kisi aur se mansub hua
main kis ki nazm akele main gungunaungi

jawaz dhundh raha tha nai muhabbat ka
wo kah raha tha k main us ko bhul jaungi

samaaton main ghane jangalon ki sansen hain
main ab kabhi teri awaz sun na paungi "

 

[Maarkhoor]

Mera waqt tumharay waqt se ziyada tha,
Tumharay dinoun mien tum apnay saal ko bethy,
Tamam umar koi na koi ziyaan hamaray sath tehra,
Khushi dhoond kar laye aor malaal kho bethy.