poori khabar
لاہور(قدرت روزنامہ)بھارتی بحریہ کی جانب سے سمندری حدود میں چھیڑ چھاڑ کیے جانے کی اطلاعات، معروف اینکر ارشد شریف کا کہنا ہے کہ بھارت نے لائن آف کنٹرول پر بڑی تعداد میں فوج تعینات کردی ہے، جنگی ہتھیار پہنچائے جا رہے ہیں، جبکہ سمندری محاذ پر بھی چھیڑ چھاڑ کیے جانے کی اطلاعات ہیں . تفصیلات کے مطابق نجی ٹی وی چینل سے وابستہ معروف اینکر پرسن ارشد شریف کی جانب سے تشویش ناک انکشاف کیا گیا ہے .
نجی ٹی وی چینل کے پروگرام سے گفتگو کرتے ہوئے ارشد شریف نے بتایا کہ اطلاعات ہیں کہ بھارت جنگ کی بھرپور تیاریاں کر رہا ہے . بھارت نے لائن آف کنٹرول پر بڑی تعداد میں فوج تعینات کر دی ہے . جبکہ بھارت سرحد پر بھاری ہتھیار بھی پہنچا رہا ہے . ارشد شریف کی جانب سے مزید بتایا گیا ہے کہ بھارت نے بحری محاذ پر بھی چھیڑ چھاڑ کی ہے . اطلاعات ہیں کہ بھارتی بحریہ معمول سے زیادہ متحرک نظر آ رہی ہے . دوسری جانب ذرائع نے بتایا ہے کہ بھارت نے مقبوضہ کشمیر میں 25 ہزار سے
زائد مزید فوجی تعینات کر دیے ہیں . جبکہ جموں کے ائیرپورٹ پر گزشتہ کچھ دنوں کے دوران مشکوک فضائی سرگرمیوں کی اطلاعات بھی موصول ہوئی ہیں . بظاہر یوں معلوم ہوتا ہے کہ بھارت پاکستان کے ساتھ جنگ چھیڑنے کی تیاریاں کر رہا ہے . اس تمام صورتحال میں پاکستان بھی مکمل طور پر الرٹ ہے . بدھ کے روز قومی سلامتی کمیٹی کے اجلاس میں وزیراعظم نے فوج کو حکم دیا کہ وہ الرٹ رہے . بھارت نے اگر جنگ چھیڑی تو پاکستان بھرپور اور منہ توڑ جواب دے گا . پاکستان کی بری فوج، بحریہ اور فضائیہ ہر وقت الرٹ ہے اور کسی بھی جارحیت کی صورت میں دشمن کو منہ توڑ جواب دے کر اپنی دھرتی ماں کا بھرپور دفاع کرے گی .
