دل سے

[Hamzay]

بارہ سال کی معصوم بچی جسے زندگی کا مفہوم کچھ بھی سمجھ نہیں آتا تھا، اس نے ایک خونی دن ایک ایسا بھیانک سبق پڑھا جو نہ صرف اس کی زندگی نگل گیا بلکہ اس محبت کو بھی جس سے وہ دور بھاگتی رہی، مگر قسمت اس بدنصیب کو اسی عشق جنوں کی آغوش میں لے آئی، جہاں اس کی موت لکھی تھی۔

یہ موت اس نے اپنے لئے خود چنی یا کاتب تقدیر کی دنیا میں کوئی اپنے لئے کچھ چن نہیں سکتا۔ اس کی کوئی رضا نہیں ہوتی۔ اس کا کوئی اختیار بھی نہیں ہوتا۔ بس ایک ارادہ جو انسان کی تقدیر بن جاتا ہے۔

یہ کہانی ہر اس انسان کی کہانی ہے جو حالات کی ستم ظریفی کا شکار ہوا اور ہو رہا ہے۔ جس نے اپنے لئے ایسا راستہ دیکھا جو کٹھن بھی ہے اور دکھوں کا گہوارہ بھی۔

اس کو ایک ایسی محبت نصیب ہوئی جس کے دنیا خواب دیکھتی ہے۔ جنون اور عشق کی معراج جہاں کوئی اپنی ذات کو فنا کر کےمثال بن جاتا ہے۔ لیکن اس محبت کو پانے کے لئے اس کے پاس 'سمے' نہیں تھا۔ اس کے پاؤں میں بیڑیاں تھیں جنہیں وہ چاہتے ہوئے بھی توڑ نہ سکی۔

امر کانت ورما، آل انڈیا ریڈیو

اے اجنبی تو بھی کبھی آواز دے کہیں سے

وہ اس کا پیچھا کرتا رہا، اور وہ اسے ٹھکراتی رہی۔۔۔ مگر کب تک؟
​

 

[Hamzay]

یہ کہانی ہے منی پور، ہندوستان کی۔ مگر یہ کہانی ہر اس زمین کی ہے جہاں انسان، انسان پر ظلم کر رہا ہے۔ یہ کہانی کشمیر کی بھی ہے جہاں برہان وانی پیدا ہوتا ہے اور مارا جاتا ہے۔​

منی پور میں علٰحیدگی پسند تحریک کا پیش خیمہ اسی نوعیت کا الحاق ہے جو جموں کشمیر میں موجود ہے۔ یعنی ریاست کے مہاراجہ کی مرضی سے، اور ریاست کے عوام کی رائے معلوم کئے بغیر۔​