naeem ahmad khan

Last but not least, maine usay Jihad se nahi roka thaa....Maine usay kaha thaa ke Jihad ka shoq hai to Pakistan Army Join karo....kya woh musalman log nahi hain? kya woh Apne Mulk aur qom ki hifazat nahi karte? to kisi third class organisation join karne ki bajaye Pakistan Army join karo aur izzat ke saath Jihad aur Mulk ko surf karo. Agar tumhain Lagta hai ke Pakistan army ghalat hai to join kar ke usay badalne ki koshish kar lo......afterall almost everybody is muslim there - so they will listen

Aisa nahi ke TTP jaisi third class organisation join kar ke Islam ka naam bhi poori duniya main badnaam karo, aur apne maa **** ko bhi sharminda karo aur be-gunah logon ko qatal karte phiray jinko pata bhi nahi ke woh qatal kyoun howay.

Woh Qayamat ki nishaniyoun main yeh nishani bhi tumne suni ho gi ke aik banda dosre bande ko qatal karay ga aur jo qatal ho ga usay pata nahi ho gake woh qatal kyoun howa.....aur jo karay ga usay yeh pata nahi ho ga ke usne qatal kyoun kiya.

Yeh haal aajkal ki organisations ke hai jo bazar se aik mazdoor jo apne maa **** ko 2 waqt ki roti khane ki talash main sara din mehnat karta hai aik bomb blast main mar jaata hai....aur jo marta hai usay bhi pata nahi hota ke agar Quran ne kaha ke 1 be-gunah insaan ko marna poori insaniyat ke qatal ke barabar hai to usne us bechare ko maar ke konsa jehad kiya?

Bhai Jihad ki baishak bohat fazeelat hai, par aap Jihad ke matlub ko ghalat letay ho. Jihad karna sirf logon ko marna, qatal karna aur takleef pohanchana hota hai kya? Jihad Allah ki rah main aur duniya main Aman phailane ke liye kiya jaata hai. Chahay woh Talwar se kiya jaye ya phir kisi mazloom ki maddad kar ke.

Jihad ki fazeelat baishak bohat oonchi hai par phir bhi woh Haqooqul-Allah ka hissa hai aur Allah Haqooqul-Allah ko maaf kar sakta hai. Haqooqul Ibaad ko Insaano ne hi maaf karna hai. Jab Hazrat Usman-e-Ghani R.A. ki Biwi bemaar thee to Hazrat Muhammad S.A.W.W ne un ko Jihad se roka thaa ke tum iska khyal rakho tumhare liye yeh bhi Jihad hi ho ga.

Agar aik bande ke maa bap bhook ki halat se mar rahay hon to usay chahiye ke kama ke apne maa baaap ko khilaye naa ke Allah ki rah main talwar utha ke logon ko marta phiray. Allah ne apni is deen ki hifazat khud karni hai aur logon se karwani hai....Yeh deen bohat afzal hai....par kuch log jo espacially Jihad ke naam ko misinterperate karte hain mujhe bohat ghussa aata hai.

Tum khud socho is waqt duniya main hum Musalmano ki halat kya hoe hai? Jab bhi jahan bhi musalman nazar aata hai, haath main talwar ya bandooq ya terrorism ka lafz zehan main aana shoroh ho jaata hai phir hum ooper se kehteh ain ke hum aman-passand qom hain? Hazrat Umar R.A. ne qassam khayi thee ke maine aaj tak itna aman passand mazhab nahi dekha jitna Islam hai aur hum log apne hi logon ko bomb blast se ura kar jihad ki baatain karte hain?