What's new

Khakan Abassi , Stuck in LNG case as NAB lays charges

AZADPAKISTAN2009

ELITE MEMBER
Sep 8, 2009
32,037
63
33,174
Country
Pakistan
Location
China






جج اعظم خان نے کہا کہ یہ فردِ جرم ہے جسے نیب کی جانب سے ثابت کیا جانا باقی ہے، عدالت تو شواہد دیکھ کر ہی سزا دے گی، شواہد نہ ہوئے تو بری کرے گی، اب فردِ جرم میں تو ترمیم نہیں کی جا سکتی۔

LNG ریفرنس، شاہد خاقان عباسی، مفتاح اسماعیل و دیگر پر فرد جرم عائد


بیرسٹر ظفر اللّٰہ نے کہا کہ میں شاہد خاقان عباسی پر فردِ جرم میں ترمیم کا نہیں کہہ رہا، شاہد خاقان عباسی کو فردِ جرم کی کاپی دے کر کچھ وقت تو دیتے۔

انہوں نے کہا کہ اس کیس کے لیے کوئی ایک شیڈول بنا دیں کس کس تاریخ کو سماعت ہو گی، ہم سپریم کورٹ اور دیگر عدالتوں میں بھی مصروف ہوتے ہیں۔

نیب پراسیکیوٹر نے کہا کہ سپریم کورٹ صاف کہہ چکی ہے کہ ٹرائل میں داخل ہونے کے بعد مقدمات کو جلد چلایا جائے، اس عدالت میں اور بھی 40 کیس ہیں، ایک تاریخ کیسے مقرر ہو سکتی ہے۔



بیرسٹر ظفر اللّٰہ نے کہا کہ جس طرح باقی کیس چلتے ہیں ویسے ہی یہ کیس بھی چلے گا، صاف بتا رہا ہوں اس کیس کو نواز شریف کیس نہیں بننے دیں گے، نیب والےکھڑے ہیں، میں بتا دوں وہ نہیں ہونے دیں گے جو نواز شریف کیس میں ہوتا رہا۔


جج اعظم خان نے کہا کہ ٹرائل تو چلنا ہی ہے، آپ تعاون کریں گے تو بہتر چلے گا، میرے لیے تمام کیسز اہم ہیں، کوئی ہائی یا لو پروفائل کی تفریق نہیں۔

انہوں نے کہا کہ کسی سیاسی شخص کا کیس ہو یا عام آدمی کا میرے لیے برابر ہیں، ہم یہاں انصاف کے لیے ہی بیٹھے ہوئے ہیں، میں ضرور چاہوں گا کہ کمرۂ عدالت کا ماحول ٹھیک رہے۔

عدالت میں نیب کے پہلے گواہ وزارتِ توانائی کے اسسٹنٹ ڈائریکٹر محمد حسن بھٹی کا بیان قلمبند کیا گیا۔
 

Users Who Are Viewing This Thread (Total: 1, Members: 0, Guests: 1)


Top Bottom